سمعت عن الـ SEO  قبل كدة ؟

طيب بلاش سمعت عن Search Engine Optimization  او مصادقة محركات البحث؟ لو مهتم بعالم تصميم المواقع او عندك موقع او حتى بتفكر تعمل موقع الكترونى اكيد سمعت المصطلح دة قبل كدة

يعنى ايه بقى ؟

المصطلح دة معناه ان الموقع بتاعك سهل ترجمتة او تحليلة من محركات البحث، ومحركات البحث هنا مش معناها انك بتتكلم عن جوجل و Ask وغيرها بس ، لكن كمان معناه ان موقعك صديق للمشاركة يعنى حتى مواقع الاعلام الاجتماعى تقدر تقرا كل التفاصيل اللى فيه

مش فاهم حاجة ؟

ابسطهالك ، بعنى من الاخر كدة لما بتحط المحتوى بتاعك مش بيظهر لما يتم البحث عنه ودة لانك بتقع فى كام غلطة كدة زى انك مثلا:

1.      مش ضايف Keywords  او كلمات مفتاحية، ودى الكلمات اللى بيبحث بيها الزائر بتاعك عن المحتوى اللى موجود فى موقعك يعنى لو بيدور مثلا على شركة تصميم مواقع الكترونية مش هيكتب " شركة نظامك للبرمجيات وتصميم المواقع الالكترونية فى مصر " لكن ممكن يكتب "تصميم موقع الكترونى" او "شركة تصميم مواقع" ، ودة اللى انت بتكتبة فى الموقع علشان تقدر تسهل عملية الوصول للمحتوى الخاص بيك

2.      مش ضايف Description  او وصف، ودة اللى بيسجلة محرك البحث او موقع الاعلام الاجتماعى من المحتوى الموجود بموقعك زى مثلاً " الشركة تعمل فى مجال كذا وكذا وكذا " دة بيخلى البحث اسهل والكلمات اللى فيه بتاخدها حاجة اسمها الـ Robots علشان تسجل بيها موقعك

3.      معندكش Site Map، يعنى الموقع بتاعك مش منظم بخريطة محددة، المفروض الموقع بتاعك يكون فيه خريطة مش لازم تظهر فى المحتوى لكن بتكون فى رابط زى sitemap.xml  او sitemap.php او اى رابط تانى مشابه، ودى بيتشرح فيها موقعك من اول الرئيسية لحد ما بيوصل للفوتر

4.      المحتوى مش اصلى ، بمعنى انك ما تستهلش انك تاخد محتوى كوبى وبيست Copy and Paste من موقع تانى وتقول الموقع بتاعى مش شغال او معليهوش زيارات، لانك ببساطة مش اصلى دايماً هيكون الموقع الاصلى هو المسيطر على نتائج البحث، بالعكس كمان انت ممكن تتعرض لمسائلة قانونية لو سرقت محتوى موقع جريدة او شركة او غيره

5.      موقعك مش امن ، ودة معناه ان موقعك عليه روابط اعلانات او مواقع مش سليمة وفيها ادوات اختراق او غيرها

ازاى اظبط موقعى ؟

بانك تتلاشى كل اللى اتكلمنا عليه قبل كدة وتخلى الموقع بتاعك اصلى من اول الاسم لحد الصور والفيديوهات، هيفرق معاك كتير فى الانتشار

بس كدة؟

لا طبعاً، عالم مصادقة محركات البحث كبييييييييير وفيه حاجات كتير زى الدومين ماركيتينج والاعلانات وغيرها كتير، لكن احنا حبينا نوصلك الفكرة ببساطة

لو بتفكر تعمل موقع اوعايز تفاصيل اكتر كلم الدعم والمبيعات من هنا، او اطلب عرض سعر لموقعك من هنا